Занимливости

Зошто сè поретко одиме на гости: Сиромаштијата една од причините!

Group of friend clinking glasses of wine in a restaurant

Во минатото, популарен беше трендот на одење на гости кај наши блиски пријатели, и тоа најчесто се правеше ненајавено.

Сепак, во изминатите неколку години, тој момент се поретко се применува и голем дел од луѓето кои сакаат да се дружат, тоа го прават низ локалите во Македонија.

Причина за ваквата ситуација е повеќекратна, а социологот Татјана Стојаноска Иванова смета дека сиромаштијата е еден од главните фактори за тоа.

„Традицијата во нашето посетување била да се оди на гости и без посебен повод и причина, едноставно на размена на идеи, обичен разговор за секојдневни животни теми и проблеми. Посебно тоа било специфично за соседите и маалските дружења. Имено, кафето и разговорот меѓу соседите во домашна атмосфера било секојдневие. Ситуацијата сега е поинаква, имено, со новите животни текови и предизвици, со современото урбано живеење, со новите работни навики соседското живеење полека , згаснува“ вели Иванова.

Чест случај е и луѓето кои живеат во зграда, да не се познаваат меѓусебно, а новите животни навики си го прават своето.

„Една од тие е работните услови кои денес ги наметнува совремието и се работи до подоцна, а некои работи бараат и активност во домашни услови и со самото тоа нема временска можност за посета и одење на гости. Друга причина е високиот степен на сиромаштија и невработеност.

 

Истражувањата покажуваат дека посетите се намалуваат, но и слави и други прослави се се поретки во домашни услови токму заради осиромашувањето. Секој домаќин сака да биде добар домаќин и да го почести гостинот, но во ситуација кога нема доволно, нормално е да ги избегнува домашните собирања и затоа и тие личности се поретко одат на посети“, анализира нашата соговорничка.

Токму поради тоа, луѓето се оддалечуваат меѓу себе и го нема тој дух на близина, емоционалност и заедништво.

„Како една од причините е исто така современото комуницирање и масовните медиуми, посебно социјалните мрежи. Како еден вид на замена за интеракцијата е социјалниот медиум и комуникацијата се одвива преку него. Но, ништо не може да го замени личниот контакт и личното комуницирање.

 

Средбите директни со блиски и драги луѓе се незаменливи, бидејќи дирекно споделуваш информација и емоција. Младите исто така се поретко се дружат во домашни услови и тие забави кои некогаш тинејџерите ги правеле дома се сега реткост. Тие се собираат на некое друго место во некоја кафетерија, но тоа не е исто, слободата што ја дава домашната забава не може ништо да ја надомести“, додава таа.

И покрај ваквиот тренд, Иванова апелира се почесто да се комуницира во живо со нашите најблиски, затоа што на тој начин чувствуваме поголема блискост и односот е поприроден.

„Исто така на детските родендени, кои порано дома се славеле, сега се слават во некоја пицерија и може да се забележи дека нема дружење меѓусебно туку секој со својот мобилен уред. Така се алиенираат-оттуѓуваат меѓу себе и таа поврзаност, детско пријателство, искрено и без интерес е се поретко.

 

Како социолог сметам дека комуникацијата треба да се одвива лично, дека контактот со блиски и драги луѓе треба да се одржува, бидејќи на тој начин разменувате идеи, мисли размисли, емоции и како што вели една поговорка „„Споделената радост со ближни и драги луѓе е поголема радост, а споделената тага со блиски е помала тага““, го заврши разговорот Иванова.



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.