Занимливости

Заев: Германија има важна улога за стабилноста и безбедноста на целиот балкански регион

Ви го честитам изборот за нов претседател на СР Германија во име на граѓаните на Р.Македонија, на Социјалдемократскиот сојуз и во свое лично име. Ги поздравуваме заложбите што ги искажавте по изборот, за слобода и демократија во една обединета Европа, како важен импулс на охрабрување за земјите кандидатки за ЕУ, како што е Република Македонија, напишал претседателот на СДСМ, Зоран Заев во честитка до новиот претседател на Германија, Франк – Валтер Штајнмаер.

images-1-419

Притоа Заев навел дека „Германија има важна улога за развојот, стабилноста и безбедноста на целиот балкански регион“.„Граѓаните на Македонија силно го почитуваат вашиот личен придонес и придонесот на СР Германија за обнова на демократските процеси во Р.Македонија како и поддршката на евро-атлантските перспективи на нашата држава. Како добар пријател на Р.Македонија и како претседател на земјата пријател на Македонија, СР Германија, очекувам дека во таа насока ќе ја продолжиме и ќе ја развиваме нашата соработка“, се вели во честитката.

Новиот германски претседател Штајнмаер, човекот кој го избоксува Пржино 2

Новиот претседател на Германија, Франк Валтер Штајнмаер, како шеф на германската дипломатија, должност која ја извршуваше се до почетокот на минатиот месец, меѓудругото беше активен и во процесот за разрешување на политичката криза во Македонија.

stajnmaer

Неговиот ангажман иако не беше многу јавно експониран, сепак беше од пресудно значење во седнувањето на македонските партии на преговарачката маса кон средината на минатата година, што се рефлектираше во постигнувањето на анексот на Договорот од Пржино, односно договорот од 20 јули, по што беа дефиниран правилата на игра кои доведоа до изборите на 11 декември.

  • На 4 мај минатата година Штајнмаер за свој личен пратеник околу кризата во Македонија го именуваше амбасадорот на Германија во Виена, Јоханес Хајндл.
  • Ваквиот потег дојде по сериозното нарушување на односите меѓу тогашниот олеснувач во преговорите Питер Ванхауте и ВМРО-ДПМНЕ, но и изјвата на еврокомесарот за проширување Јоханес Хан, за бугарски медиум, дека „не е важно колку партии ќе учествуваат на изборите (кои тогаш беа закажани за 24 април, односно 5 јуни, и ВМРО-ДПМНЕ беше единствената партија која се изјасни дека ќе учестува на нив н.з.) туку единствено е важно тие да се одржат“.
  • На 15 април, тој ја критикуваше амнестијата на политичарите во Македонија и изјави дека претседателот Ѓорге Иванов им нанесува штета на стандардите на владеење на правото и на правниот поредок и оцени дека македонскиот претседател ја поткопува работата на Специјалното обвинителство и неговата мисија „да ги истражи обвиненијата за злоупотреба на власта“.
  • На 28 април Штајнмаер изјави оти се надева  дека „политичките партии во Македонија разбираат дека сè поголемата нестабилност ќе го направи патот на земјата кон Европската унија и кон НАТО многу тежок“. Оваа негова изјава беше една од ретките, ако не и единствената која во тој период дојде од меѓународната заедница, кога во земјвава се зголемуваше неизвесноста со политичката криза, а на улиците секојдневно имаше протести против одлуката на претседателот Ѓорге Иванов за аболиција на функционери и на нивни блиски соработници. Неколку дена по ова германското МНР ја соопшти неговата одлука за испраќање на Хајндл во Македонија.
  • На 19 мај германското МНР ја поздрави одлуката за одложување на изборите на 5 јуни и апелираше да се повелече и одлуката за аболиција на политичарите, што Иванов и го направи во текот во втората половина на мај.
  • На 1 септември, ден по одлуката предвремените парламентарни избори да се одржат на 11 декември, Штајнамер го поздрави договорот на македонските партии и порача дека мора да се избегне понатамошно заостанување на земјата на патот кој води до приближување на ЕУ и дека останува важно Специјалното јавно обвинителство да може непречено да продолжи со својата работа.
  • на 12 декември, односно ден по изборите, Штајнмаер порача дека „изборите се важен чекор во решавање на политичката криза во земјата и дека „сега е важно што побргу да се формира влада, која ќе го искористи својот мандат да ги спроведе итните реформи, а на СЈО мора да му се овозможи без опструкции да ја си ја заврши работата и да открие и да ги казни тие што ја злоупотребиле моќта и власта“.

Инаку, Штајнмаер е член на Социјалдемократската партија на Германија, која е дел од владејчката коалиција во земјата, заедно со Христијанско-демократската унија на канцеларката Ангела Меркел. Штајнмаер во два наврати ја извршуваше функцијата шеф на германската дипломатија во владата на канцеларката Ангела Меркел. Прв пат од 2005 до 2009 година и потоа од 2013 до почетокот на оваа година.

Претходно, од 1999 до 2005 година тој беше дел од германскиот канцеларијат задолжен за координација на разузнавачки служби на земјата.

На следните линкови можете да ги погледнете сите написи на „Мета“ за активностите на Штајнмаер поврзани со случувањата во Македонија минатата година:

http://meta.mk/shtajnmaer-makedonija-da-dokazhe-deka-ostanuva-na-evropskiot-pat/

http://meta.mk/shtajnmaer-makedonija-da-dokazhe-deka-ostanuva-na-evropskiot-pat/

http://meta.mk/shtajnmaer-zemjite-od-zapaden-balkan-ne-treba-da-se-ostavat-sami-vo-reshavane-na-begalskata-kriza/

http://meta.mk/shtajnmaer-ivanov-im-nanesuva-shteta-na-vladeeneto-na-pravoto-i-na-pravniot-poredok/

http://meta.mk/shtajnmaer-rastechkata-nestabilnost-ja-oddalechuva-makedonija-od-eu-i-nato/

http://meta.mk/germanija-naznachi-spetsijalen-pratenik-za-reshavane-na-krizata-vo-makedonija/

http://meta.mk/germanskoto-mnr-go-pozdravi-odlozhuvaneto-na-izborite-i-bara-povlekuvane-na-abolitsijata/

http://meta.mk/poposki-i-shtajnmaer-vo-brisel-razgovarale-za-politichkata-kriza/

http://meta.mk/shtajnmaer-dogovorot-da-se-sprovede-verodostojno-i-brzo-a-sjo-neprecheno-da-raboti/

http://meta.mk/kozias-i-shtajnmaer-razgovaraa-za-merkite-za-gradene-doverba-megu-makedonija-i-grtsija/

http://meta.mk/shtajnmaer-povika-itno-da-formira-vlada-i-da-se-sprovedat-neophodnite-reformi/

 

Мета



Поврзани вести

Напишете коментар

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.