Занимливости

Среде Центар надвиснати лимови и пластики и натрупано ѓубре на тротоар: Кога ќе се тргне руинираниот објект во близина на МВР

Расфрлано ѓубре, отворени кабли, издадени железни шипки, полускапани лимови и пластики надвиснати над тротоарот е сликата со којашто веќе подолго време се соочуваат граѓаните што гравитираат и поминуваат по улица „Железничка“ (Јордан Мијалков) во непосредна близина на средното фискултурното училиште и на зградата на МВР.

Станува збор за стара трафика, која е надвор од употреба и сериозно се распаѓа. Како времен објект, предвидено е таа да биде отстранета, но освен што, уште на времето, е заградена со челична мрежа, од надлежните ништо не е направено за трафиката да биде тргната и со тоа да се овозможат услови за уредување на просторот.

Во меѓувреме, со влијанието на забот на времето, пропаѓањето на импровизираната кровна конструкција на објектот предизвикува сериозна закана за рушење, врз просторот каде што циркулираат огромен број возила и граѓани со оглед што на оваа точка се спојува еден од главните пристапи кон Министерството за внатрешни работи, како и кон улицата „50. Дивизија“ и нејзините придружни краци, каде што има голем број згради.

А, токму веднаш покрај оваа стара трафика води практично единствениот пат за кон останатиот дел од градот за сите граѓани што живеат, учат или работат во овој дел од општина Центар.

 



Македонија

Заболени
252,947
+2,071
Мртви
8,177
+11
Излечени
225,056
Активни
19,714
Last updated: 22/01/2022 - 00:45 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.