Црна Хроника

Распишаната потерница по Мијалков не е ефективна, тој може слободно да патува во странство и карот да ти го пушат

Распишаната потерница по Мијалков не е ефективна, тој може слободно да патува во странство

Распишаната потерница по Сашо Мијалков не може да биде ефективна во меѓународни рамки затоа што Кривичниот совет, наместо за ефективен, донел поблага мерка куќен притвор за исчезнатиот. А, според законот, со куќен притвор, не може да се распишува интернационална потерница, со што на Мијалков му се даваат најмалку два дена комоција на границите каде и да се појави, на Балканот, во Европа или светот.

Основниот кривичен суд вчера, сепак одобри, распишување на меѓународна потерница по Мијалков на барање на МВР, но извори од судот за „сдк.мк“ велат дека Интерпол нема да ја спроведе така издадената потерница.

Обвинителството по информациите дека се подготвува обвинетиот за бегство веднаш до судот побарале мерка притвор. Сепак, на судиите им се видело преостра таа мерка, со оглед на тоа што полицијата постојано известувала дека има визуелен контакт со Мијалков, тука е, го следат, а и поради тоа што никогаш досега не ја напуштил државата откако му е одземен пасошот.

Одлуката за куќен притвор ја донесоа судиите од организиран криминал во Кривичниот суд: Огнен Ставрев, Илија Трпков и Васка Николовска-Масевска.

Во петок треба да биде изречена пресудата за масовното незаконско прислушување на стотици граѓани, каде првообвинет е токму Мијалков.



Македонија

Заболени
106,110
Мртви
3,176
Излечени
94,275
Активни
8,659
Last updated: 06/03/2021 - 08:11 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.