Живот

Повеќе од два месеци не се знае судбината на сметководителката Виолета од Скопје

Сметководителката Виолета Крстевска Јаневска (60), скромна и семејна жена вработена на Факултетот за безбедност, повеќе од два месеци е исчезната.

Последен пат била забележана на 22-ри март, откако кажала дека ќе оди во оптика да си ги подигне наочарите. Според информација од нејзината ќерка Анѓела, од оптиката и кажале дека Виолета ги подигнала наочарите, по што и се губи траг.
Два часа не одговарала на повиците на ќерката, а потоа телефонот и се исклучил.

Набргу по исчезнувањето, ќерката на Виолета за ,,Фокус” раскажа дека бара волонтери кои би помогнале во потрагата. Случајот бил пријавен во полиција, а она кое се знае за сметководителката е дека била одговорна жена, посветена на семејството, и никогаш во минатото не се случило да замине некаде без да ги извести блиските.

Виолета од Кисела Вода е една од десетиците чија фотографија е објавена на страницата на МВР, во делот за исчезнати лица.
Висока 166 см, тешка 52 килограми, црвена коса малку побелена, зелени очи, израсток на десната страна до устата, е описот за жената чија судбина останува непозната и по повеќе од два месеци.

Нејзината ќерка Анѓела во неколку наврати за ,,Фокус” појаснуваше дека мајка и немала здравствени проблеми и целото семејство било вознемирено.

Денес изјави дека нема никаков напредок во истрагата.
-Од нашиот последен контакт, нема ништо ново. Не знам дали ја бараат од полицијата, бидејќи со мене не комуницираат – откри таа.



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.