Балкан

Партијата на Каракачанов лута на Петков: Македонија е регион и дел од денешна Бугарија…

Во Македонија нема „Македонци“ со бугарски идентитет. Бугарите се државотворен народ за РСМ! Заобиколувањето на коските на Гоце Делчев кај премиерот не е протоколарна грешка – тоа е историско предавство, велат од партијата ВМРО-БНД на Красимир Каракачанов!

„Можеби изгледа херојско да се ветува авиокомпанија за два месеци и да се „постигне“ непостоечко откажување од територијални претензии, но тоа е само во рамките на медиумскиот меур и кризниот ПР. Ништо повеќе. Да, на нашиот однос со Скопје му треба нова енергија, а можеби и рекламирање, но не е добро да се залажуваме, велат од партијата и во 5 точки ги изнесуваат нивните забелешки:

„Прво, дали ќе кажеме Република с. Македонија, или само Северна Македонија, само изгледа како некаква добрина од наша страна….Но, тоа не е баш така. Македонија е регион. И дел од него е во денешна Бугарија. Бугарија во никој случај не треба да се откаже од употребата на зборот „Македонија“ историски.

Второ, да го посетиш Скопје и да не отидеш на гробот на Гоце Делчев – ова не му се случило на бугарски државник. А, вчера Кирил Петков едноставно демонстративно помина покрај гробот на Гоце Делчев. И тоа на денот кога софијани со часови чекаа да ја купат јубилејната монета издадена од БНБ по повод 150-годишнината од раѓањето на војводата…Кога бугарски премиер ќе го превиди симболот на борбата на Бугарите во Македонија за ослободување и обединување, тој му дава поле на македонизмот и го легитимира грабежот на бугарската историја, ова не е само протоколарна грешка.

Трето: Ставањето на фашизмот и Бугарија во една реченица е неприфатливо. Во секој контекст, ова води до заплеткување во објаснувањата. И премиерот не е особено подготвен во оваа област.

Четврто: Кирил Петков ја употреби формулацијата „Македонци со бугарска самосвест“, со што се прифаќа скопската теза дека во РСМ живеат само Македонци, а Бугарите се дефинирани со пејоративни бугарофили или ббурганомани.

Петто: Нема народи од двете страни на границата. Од двете страни на границата има народ. А бугари во Македонија едноставно нема. Бугарите во денешното РСМ се државоттворен народ

Шесто. Немаше поента премиерот Петков да оди во Скопје наместо Ковачевски да дојде во Софија. За ова е потребна елементарна логика. Оставаме настрана како беше пречекан Петков…велат од партијата на Каракачанов. БГНЕС



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.