Македонија

Невреме од 10 минути во Виница направи вистински пустош

Голема материјална штета направија силниот ветер и обилниот дожд што во вчера попладне ја зафатија територијата на општина Виница.

Паднати дрвја, блокирани патишта, оштетени кровови, прекини на електродистрибутивната мрежа се последица од природната непогода во која настрадаа и градот и дел од околните населени места.

„Невремето траеше десетина минути и зад себе остави вистински пустош. Оштетени се покриви на објекти, а најмногу настрада лимената покривна конструкција на една колективна станбена зграда. Сериозни штети претрпеа и големи површини со лозја и овоштарници, каде родот за оваа сезона е целосно уништен.

Екипи на Територијалната противпожарна единица, на комуналното претпријатие „Солидарност” и од Електродистрибуција веднаш излегоа на терен за да обезбедат побрзо нормализирање на сообраќајот и санирање на електродистрибутивната мрежа. Сепак, последиците од невремето се видливи и денеска. Веќе имаме пријави од граѓаните, поради што ја активиравме општинската Комисија за проценка на штети и очекуваме за неколку дена да имаме целосен увид во мсостојбата“, истакна градоначалникот на Виница, Миле Петков.



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.