МакедонијаТоп3

На Мицкоски му се ниша тронот, партиското членство незадоволно и разединето

Од најмоќна партија, ВМРО-ДПМНЕ деновиве ги доживува најтешките моменти. Со лидер чии одлуки наидоа на остри критики, партијата особено е на удар после одлуките на Мицкоски да не заземе став на референдумот, а сега и да ги исклучи од партијата пратениците кои гласаа „за“ отворање на Уставот.

Дали на Мицкоски му се заканува симнување од тронот и дали партијата ќе ја надмине кризата која се создаде откако седум пратеници се одметнаа и гласаа спротивно од партиската волја?

Од партијата велат дека членството е разочарано, поделбите се продлабочуваат, а фракционерството се зајакнува. Доколку не се преземат структурни реформи постои можност и за формирање на друга партија која силно ќе му парира на Мицкоски.

Десничарите кои се се уште верни на партиската идеологија, бараат кадровски промени, но и смена на претседателот. Филип Петровски, поранешен висок функционер на ВМРО-ДПМНЕ, бара итно закажување на конгрес за избор на нов лидер.

-Груевски и Мицкоски, тоа е исто затоа што вториот е поставен од него на фалсификуван конгрес. 10 месеци работат на тоа да ја умрат партијата. Сите потези до сега беа погрешни и со намера да се демотивира членството. Наместо да се спротивстави на погубните политики, Мицкоски работи на амортизација на тие што се против него. Оди од грешка во грешка. Требаше да заземе јасен став за референдумот, па макар и погрешен, но тој ги остави луѓето на цедило – вели Петровски.

Filip Petrovski intervju

Тој вели дека членството на партијата никогаш нема да ја прифати одлуката што Собранието ја донесе во петокот кога со 2/3 мнозинство беше изгласана иницијативата на Владата за пристапување кон уставни измени. Веќе од утре, вели Петрески, може да се очекуваат протести против промена на уставното име.

Со самото тоа се зголемува јазот во ВМРО-ДПМНЕ, затоа што некогаш најлојалните и најпожртвувани функционери сега се наоѓаат на другата страна на оградата. Крсто Мукоски, Елизабета Канческа Милевска, Сашо Василевски на некој начин се спогодија со власта. Заев денеска изјави дека нема пречка да се прифатат нивните услови, за во иднина сите осум пратеници од опозицијата кои гласаа „за“ во петокот, да го дадат својот глас и за уставните амандмани.

Дека членството го вперува прстот во Мицкоски како виновен за ваквата ситуација, тврди и Самоил Малчески кој со години го критикува управувањето со партијата. По настаните од петокот, вели тој, несомнено е дека ВМРО-ДПМНЕ се наоѓа пред голем вантрепартиски предизвик.

-Наеднаш се отворија многу апетити, некои и нереални, за претседателското столче. Во овој момент на партијата и треба единство на сите прогресивни сили во одбраната на Уставниот и правниот поредок, во борбата за враќање на достоинството на Собранието на Република Македонија и на функцијата пратеник! Јавно ги повикувам пратениците во Собранието на Република Македонија кои се пазареа како  да се на сточен пазар за да гласаат и гласаа за отварање на Уставот да ги вратат мандатите бидејќи го разочараа членството на ВМРО ДПМНЕ кое со месеци не спиеше за тие да можат удобно да се сместат во пратеничките фотелји! Доколку имаат и малку морал одма ќе го направат истото бидејќи без ВМРО ДПМНЕ и неговото бројно членство овие луѓе никогаш не би станале пратеници! – порачува тој.

Сепак Малчески не верува дека е можно во моментов да дојде до смена на партискиот лидер, но затоа се уште апелира на внатре-партиски реформи. Според него потребен е нов партиски Статут и Мицкоски да иницира генерален реизбор на сите партиски тела и органи.

Иако пратениците, кои во петокот гласаа спротивно на партискиот став, наидоа на гнев и омраза, особено присутна на социјалните мрежи, сепак голем дел од членството има разбирање за нивната ситуација. И Малчески и Петровски се против одлуката да бидат исклучени од партијата.

-Мислам дека одлуката беше избрзана! Требаше да ги повика пратениците кои ја понижија функцијата пратеник со тоа што дозволија да се пазарат како да се на сточен пазар и да побараат да ги вратат мандатите! – вели Малчески.

-Мицкоски ги остави луѓето на цедило, кога почнаа да притискаат по пратениците немаше како да ги заштити. Сега ги отуѓи уште повеќе и ги внесе тие немири и неединство во партијата – смета Петровски.

Овој вторник се празнува најголемиот празник за партијата, Денот на македонската револуционерна борба. Откако го воведе како државен празник во 2007 година, ВМРО-ДПМНЕ овој ден не го дочекала во поочајни услови. Со разединето членство и разочарани симпатизери, како што велат од партијата, атмосферата во Белата палата е сигурно премногу траорна за било каква прослава.



Македонија

Заболени
189,887
Мртви
6,594
Излечени
170,956
Активни
12,337
Last updated: 27/09/2021 - 08:45 (+02:00)

Поврзани вести

Напишете коментар

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.