Ми го уништи животот, ме остави со пет деца, без цент

 

Како е да се биде „стартер“ сопруга, најдобро знае Џастин Маск (49), писателка и прва од двете сопруги на технолошкиот могул Илон Маск (51), авторка на потресната исповед за темната страна на нивниот брак, објавена во месечникот „Мари Клер“.

 

Исчекорот на Канаѓанката се случи пред неколку години, но повторно се актуелизираше по раѓањето на момчето со необично име X Æ A-Xii, кого Маск го доби во врската со канадската пејачка Гримс, со која во меѓувреме се раздели. Вистинската причина е веројатно силниот публицитет поради јавната расправија на Маск со холивудската ѕвезда Џони Деп.

Конфликтот ја поттикна Амбер Херд, поранешната сопруга на Деп, на која Илон Маск во два наврати ѝ беше момче по бурниот развод со Деп, а јавна дебата за тоа кога се Маск и Амбер Херд се „сплеткале“ (пред или по разводот со Деп), негативно влијаеше и врз писателката, но и врз нивните синови. Бидејќи Џастин смета дека тој не се однесувал со неа како џентлмен за време на разводот, таа проговори за тоа зошто претпочита да комуницира со поранешниот сопруг преку неговите помошници.

„Шест недели подоцна, тој ми испрати порака дека е свршен со убавата британска актерка Талула Рајли, која е во раните дваесетти години, и се пресели во Лос Анџелес поради него. Тогаш помислив дека мојот живот со тој човек, татко на моите пет деца, се претвори во клише“, открива поранешната г-ѓа Маск.

Имено, коосновачот на „Тесла“ и компанијата „Спејс Икс“, со кои НАСА започнува колонизација на Марс, го замени животниот придружник кој го следеше уште од студентско време, со нов „модел“ како да е мобилен телефон, не е личност. Покрај тоа, поради законска дупка во договорот, кој таа го потпишала два месеци пред венчавката, останала без имот стекнат во бракот. Подоцна се испоставило дека станува збор за предбрачен договор, според кој, поради непознавање на правната терминологија, таа се одрекува од правата што и припаѓаат како сопруга, освен сопственоста на семејната вила во Лос Анџелес. Кога ќе станат полнолетни, вилата ќе ја наследат нивните шеснаесетгодишни близнаци Грифин и Ксавиер и 14-годишните синови Дамијан, Саксон и Каи, родени како тројки. Тоа беше одредба според која ниту еден настан или што било кажано за време на нивниот брак не беше дозволено да се користи во каква било судска постапка. Разводот не се споменува, но се подразбирал.

„Потпишав затоа што слепо му верував. Зошто да се венчам ако не му верувам? Бевме сродни души. Верував дека никогаш нема да се разведеме. Животот без Илон беше незамислив за мене“, рекла таа.

Тие се запознале додека студирале на универзитетот Квинс во Кингстон, Онтарио, каде тој бил на постдипломски студии по физика и економија, а Џастин студирала литература. Тој ѝ пријдел лажејќи ја дека се сретнале на забава. Таа се согласила да оди на сладолед само за да се ослободи од него, а потоа избегала оставајќи му порака дека нешто итно и искрснало. Тој го пронашол во дневната соба во домот каде што студирала. Тој ѝ донел сладолед затоа што едноставно не го прифаќал одбивањето. Според нивните искази, тие станале двојка и ја продолжиле својата врска откако тој дипломирал и ги продолжи студиите по физика и економија во Америка, а таа дипломирала литература.

 

„Тој се пресели во Силиконската долина, делејќи стан со тројца цимери. Тој ја создаде првата интернет компанија Zip2. Кога го посетив во една прилика, тој ме праша колку деца би сакала да имам? Му реков едно или две, во зависност од тоа дали ќе можам да си дозволам дадилка, иако би се согласила на четири – со дадилка. Тој, од друга страна, лесно ми одговори да сметам дека помошта со децата е решена“, открива таа.

Запросување и големо его

Тој ја запросил кратко време откако го продал Zip2 за 20 милиони долари и купил имот од 1800 квадратни метри, спортски автомобил Мекларен и мал авион. За неа, од друга страна, неговото богатство било неразбирливо. Таа била среќна ако тој ѝдаде кредитна картичка да купи што повеќе книги што таа ги сака.

Таа го игнорирала првиот знак за предупредување за нивната венчавка, мислејќи дека тој се шегува. Имено, додека тие го танцувале првиот свадбен танц, тој ѝ шепотел дека тој ќе биде алфа во нивниот брак. Поттикот за високото его на Маск била успешната зделка склучена со eBay на кого ја продал својата друга компанија Пејпал (PayPal), за 100 милиони долари во 2002 година. Почнал да и ја ускратува поддршката за пишување роман – иако во студентски денови ја освоил со тоа што ги охрабрувал нејзините амбиции – тој честопати ќе го наметнувал своето мислење, грубо ќе ја покриел ако не го фаворизирала. Тогаш сфатила дека се омажила за маж од патријархална средина во Јужна Африка.

„Истата недела кога тој го продаде PayPal, го изгубивме нашето прво дете, синот Невада, кој имаше само два и пол месеци. Заспа на страна, како што тоа го правеше нормално, и повеќе не се разбуди. Тој му потклекна на синдром на ненадејна смрт. Кога пристигнаа болничари, долго време беше без кислород и мозочна функција. Помина три недели во болницата на уреди за одржување на живот пред да донесеме одлука да ги исклучиме уредите. Јас ја држев неговата мала рака додека не почина“, раскажала Џастин.

Илон никогаш повеќе не ја спомнал таа случка, а нејзе, поради отвореното искажување на тага ја нарекол „емоционално манипулативна“. Наскоро сфатила дека сака да ја „закопа“ тагата длабоко во себе. Околу едно се согласиле: сакале деца што е можно поскоро. Џастин се подложила ин витро оплодување и родила близнаци. Неколку години подоцна, ја повториле постапката на вештачко оплодување и добиле тројки.

За вкупно пет години, со царски рез родила пет деца, ниту самата не знае како, успеала да напише три романи, пораснала деца, се грижела за куќата и напишала и објавила три романи… Но, наместо и нејзиното его да порасне, Џастин тонела на дното.

Нивните животи се превртеа наопаку по продажбата на Пејпал (PayPal)
Животот наголемо им се променил откако нејзиниот сопруг ја инвестирал заработувачката од продажбата на Пејпал во новите компании, „Тесла“, чиј ко-основач и извршен директор е, како и во „Спејс Икс“, чиј основач е , директор и и главен технички директор. Им станало нормално да бидат гости на веначавката на коосновачот на „Гугл“, Лери Пејџ, на карипскиот остров на Ричард Бронсон, каде што се дружеле со филмската sвезда Џон Кузак и со Боно Вокс. Како што им растела социјалната репутација, нејзиниот сопруг ја принудувал да стане трофејна русокоса (морала да ја осветли косата), повеќе да се грижи за својот изглед, шармантно да се насмевнува додека големите фраери на масата мудруваат за политиката и се преправаат дека се важни во бизнисот, но Џастин не е таков тип.

Била многу несреќна бидејќи од жена која со саканиот маж го дели животот, станала украсен предмет без право на глас и право на мислење на што било. Обидот да ги измазни несогласувањата со брачната терапија неславно пропаднал, бидејќи изнервиран што мора редовно да доаѓа, ѝ поставил ултиматум: или ќе продолжат да живеат како досега или ќе се разведат.

Џастин повеќе не можела да функционира на тој начин, но неговата одлука сеедно ја повредила. Денес, не жали што го покренал разводот. Таа нашла партнер со кој е среќна, ја вратила темната  боја на коса, повторно се смее. Животот ѝ станал поубав откако мажот со кој сакала да остари заминал од нејзиниот живот.