Црна Хроника

Кривична пријава за вработен во Катастар за несовесно работење во службата

Единица за економски и компјутерски криминал поднесе кривична пријава против Т.А (49) од Скопје, поради постоење основи на сомнение дека сторил кривично дело „несовесно работење во службата”.

Пријавениот, како што појаснуваат од МВР, во текот на 2014 година, во својство на службено лице, вработен во Агенција за катастар на недвижности (АКН), постапувајќи по предмет оформен врз основа на пријава поднесена од страна на физичко лице М.Ц. од Скопје, која побаралa од АКН да се изврши усогласување на површината на имот во нејзина сопственост за КО Оризари, постапил несовесно при извршување на својата службена должност.

Имено, додаваат од МВР, иако требало, тој не ја земал предвид потребната скица, како дел од службена документација за парцелата – предмет на усогласување, со што извршил погрешна идентификација, односно погрешно утврдување на мерите и границите на парцелата, која била предмет на пријавата за усогласување на површина, при што изготвил службен наод со невистинити податоци.

– На тој начин Т.А. овозможил на лицето, подносител на пријавата, без правен основ да се стекне со имотна корист – земјиште, со површина од 393 метри квадратни (вредност од 1.965.000 ден.) и истовремено од друга страна, за истиот износ му нанел значителна материјална штета на лицето М.Б. од Скопје, со што го сторил кривичното дело „несовесно работење во службата“, предвидено и казниво по чл.353-в од Кривичниот законик, се вели во соопштението.



Македонија

Заболени
90,654
Мртви
2,785
Излечени
78,154
Активни
9,715
Last updated: 25/01/2021 - 13:56 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.