Македонија

КАВАДАРЦИ ЗАФАТЕНО ОД СИЛНО НЕВРЕМЕ Поплавена и општинската зграда

Според првичните информации, до повикувачкиот центар во општината се пристигнати дваесетина пријави за поплавени подрумски простории. Екипи на ТППЕ Кавадарци, ЈП Комуналец и “Мој општинар” се на терен.

Градоначалникот на Кавадарци, Митко Јанчев, на социјалните мрежи објави дека неговиот град е зафатен од силно невреме, проследено со интензивен пороен дожд, силен ветер и електрични празнења.

Според првичните информации, до повикувачкиот центар во општината се пристигнати дваесетина пријави за поплавени подрумски простории. Екипи на ТППЕ Кавадарци, ЈП Комуналец и “Мој општинар” се на терен.

За половина час наврнале 40 литри/м2. На улица ,”Беласица” се отстранува паднато дрво од силниот ветер, а се расчистуваат и наноси од кал“, информира Јанчев.

Од силниот дожд вода има навлезено и во зградата на Општина Кавадарци.

Оттаму ги известуваат сите граѓани кои имаат било каков проблем да се јават во Кол Центарот на општината на бројот 13 300.

За невремето информираат и од Центарот за управување со кризи.

„Вечерва подрачјето на Кавадарци го зафати невреме проследено со обилни врнежи на дожд. Од невремето поплавени се десетина подруми од куќи, како и средишниот дел од главната ул.7-ми Септември на која во моментот 3 екипи со механизација работат на расчистување, а за испумпување на водата од поплавените подруми на терен се екипи од пожарната од Кавадарци со 2 пумпи и екипа од Комуналец од Кавадарци со две пумпи“, стои во објавата на фејсбук од страна на ЦУК.



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.