Македонија

Како да препознаете безбедна интернет-продавница од Македонија?

Како да препознаете безбедна интернет-продавница од Македонија?

Асоцијацијата за е-трговија на Македонија (АЕТМ) воведува „Беџ за верификуван е-трговец”, кој ќе овозможи јасна дистинкција на регистрираните онлајн продавници и оние што не се целосно усогласени или воопшто не се регистрирани и се дел од сивата економија.

Беџот ќе биде визуелна ознака која ќе биде поставена на веб страниците на домашните е-продавници и ќе им помогне на купувачите полесно да проценат дека станува збор за регистриран правен субјект кој ги има имплементирано сите неопходни законски регулативи во работењето.

-Беџот за верификација е дел од иницијативата „Е-трговија за сите“, која е поддржана од Проектот на УСАИД за развој на деловниот екосистем, има за цел да ги доближи до граѓаните онлајн продавниците кои ги исполнуваат неопходните регулативи за работење во е-трговијата и да одигра едукативна улога за компаниите кои работат со е-трговија односно да ги мотивира постоечките е-трговци да ги имплементираат сите правила и прописи во своето работење, истакнуваат од АЕТМ.

Според Асоцијацијата, главна причина за почнување со оваа активност е потребата од зголемување на довербата во онлајн продавниците, но и потребата за зголемување на свеста кај купувачите и правење разлика помеѓу регистрирани е-трговци и нерегистрирани субјекти кои учествуваат во онлајн продажбата (како дел од сивата економија) и претставуваат нелојална конкуренција за регистрираните е-продавници.

– Во време кога е-трговијата зема сѐ поголем замав, а луѓето сѐ повеќе се охрабруваат да купуваат онлајн, важно е купувачите да можат да ги разликуваат онлајн продавниците кои ги исполнуваат основните правила и прописи, од оние кои се или неусогласени согласно регулативата или пак се дел од сивата економија. Потребно е купувачите да се свесни од каде купуваат или прават нарачки со цел да се заштитат и самите од било какви идни потешкотии (како враќање на производот доколку не се задоволни). Купувачите треба да знаат и дека кога купуваат од нерегистрирани субјекти (на. пример преку социјални медиуми) немаат заштита согласно Законот за заштита на потрошувачи, нагласуваат од АЕТМ.

Беџот не ги опфаќа сите е-трговци во земјава и ќе биде поставен само кај е-трговците кои самостојно ќе аплицираат за ваков беџ за верификација и кои ги поминале соодветните проверки од АЕТМ за неопходни регулативи и обврски за работењето во е-трговијата.“

-Меѓу условите кои еден е-трговец треба да ги исполнува се: да има објавено седиште и адреса, контакт податоци (е-маил адреса), даночен број – ако е-трговецот е ДДВ обврзник, да има поставена политика за враќање на производите, политика за заштита на лични податоци, да поседува ССЛ сертификат, да ги има јасно и транспарентно објавени цените на производите и услугите,… , наведуваат од Агенцијата и додаваат дека листата со е-трговци кои се верифицирале ќе биде достапна и во вид на редовно ажуриран регистар, јавно достапен и објавен на веб страницата ecommerce4all.mk.



Македонија

Заболени
101,214
Мртви
3,111
Излечени
90,685
Активни
7,418
Last updated: 26/02/2021 - 10:11 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.