Живот

И ајварот не е тоа што беше – граѓаните јавно се откажуваат од правење, причините јасни

Добро познато е дека ајварот на македонските трпези е една од најчестите храни, особено во текот на зимата.

Но зголемувањето на цените на храната ги одврати граѓаните од вообичаените подготовки за зимската сезона. Се намали бројот на оние што можат да си дозволат да купат состојки за подготовка на ајвар, зимница и слично.

Самите граѓани велат дека кај ајварот, зголемувањето на цената на црвените пиперки кои се меѓу главните состојки, а особено зголемувањето на цената на маслото за околу 40 денари, ги натерало да го сметаат ајварот за луксуз.

„За ајвар? Пиперките се продаваат 50 денари. Да ви кажам право оваа година е многу поскапо. Не, нема да правам ајвар, се продава готов. Искено, повеќе би сакал да го купам готов отколку да правам“, вели анкетиран граѓанин за Алсат ТВ.

„Купивме малку оваа година. Од 50 килограми колку купувавме порано, сега купуваме 30“.

„Ова е вистина, црвените пиперки се скапи за ајвар. Значи, кога купуваме по еден или два килограми, не го чувствуваме многу. Оваа година не сте правеле ајвар. -Не, поради цените, а и немавме каде да правиме.“

„Да, јас сум сам, но и цените се високи. 40-50 денари за килограм црвени пиперки, ова е катастрофално. Со овие плати и пензии, тешко.“

„Купувавме порано. Ми изгледаат поевтино. Со оглед дека сме октомври, поевтино е. Ги купив на главниот пазар, купив 43 денари едно кило. Тука надвор ви продаваат тука по 30 денари, но не е многу висока цена“.

„Не, не купив. Скапо е. Поскапо од купување ајвар во продавница. Јас купив во продавница. – Во споредба со минатата година, колку се поскапи? – 100%.

Дека сезонските набавки се намалени, признаваат и продавачите, кои не сакаат да зборуваат пред камерата. Според нив, зголемувањето на цените доведе до многу помалку купувачи од претходните години.

Цените на црвените пиперки се движат од 35 до 50 денари додека тегла ајвар бара 4 килограми пиперки.

Целата сторија со видео прилог може да ја проследите на Алсат ТВ.



Македонија

Заболени
216,328
+333
Мртви
7,609
+17
Излечени
200,669
Активни
8,050
Last updated: 02/12/2021 - 22:30 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.