Колумни

Големи трауми од детството има мојот другар Ким Мехмети… Јас исто така сум одел во „титовите училишта“ и никој не ме учел да ги мразам Албанците

Големи трауми од детството има мојот другар Ким Мехмети… Јас исто така сум одел во „титовите училишта“ и никој не ме учел да ги мразам Албанците и Бугарите. Напротив, воспитуван сум во духот на братството и единството, кое ги опфаќаше и Албанците. Не и Бугарите, тие беа зад железната завеса.
Додуша, вистина е дека во периодот од 1980 до 1990 година, поради заострените односи на Косово и интифадата на Албанците, како и поради приврзаноста на комунистичкото раководство на Македонија кон Србија на Милошевиќ, во таа декада се форсираше дискриминација на Албанците во нашата земја. Тоа е период кога јас и Ким веќе не сме биле ученици, а јас не се сеќавам тогаш во во училиштата да е ширена омраза кон Албанците. Би го знаел тоа, бидејќи моите деца во тоа време беа ученици.
Како и да е, да се каже дека денешната политичка елита на Македонците била заразена со „србизам“ е смешно, од најмалку три причини:
Прво, тоа не е точно, влијанието на Србија врз македонската политика многу опадна во последните 20 години.
Второ, денешните политички раководства форсираат сосема нова агенда и кон Албанија и кон Бугарија. Едно ново „братство и единство“.
И трето, јас овде не гледам никаква елита. Што беше тоа елита?

„Јас пораснав во „училиштата на Тито“ и многу добро знам дека тие нè научија дека најголемите непријатели на Македонија и на Македонците се Албанците и Бугарите. Знам дека од прво одделение па до староста, кај Македонците се градеше свеста дека да не беше српскиот братски народ, тие ќе биле „проголтани“ од Албанците и Бугарите“, вели политичкиот аналитичар, Ким Мехмети во интервјуто за бугарската новинска агенција БГНЕС

Според него, што се однесува до омразата кон Албанците и Бугарите, некои припадници на елитата во Македонија веќе долго време се во канџите на „србизмот“.

„Тие се и „татковци“ на паролите „Смрт за шиптари“ и „Бугари – Татари“. Македонија успеа да стане независна и стана членка на Обединетите нации, но остана „заробена“ и заробена во канџите на „србизмот“, вели Мехмети.

Мехмети напоменува и дека денес од Скопје до Белград може да се патува со железница или на добар автопат, а од Скопје до Софија или Тирана по патишта изградени пред Втората светска војна.

„Што значи дека Белград долго време инвестираше во зближување на народите. А народите се здружуваат преку патишта и бракови. Денес скоро секое македонско семејство има брачни врски со српско семејство“, истакнува Мехмети.

Тој смета дека Македонија сè уште е под влијание на Белград.

„Дури мислам дека Белград се однесува кон Македонија малку како Република Српска во Босна, но на поинаков начин. И мислам дека Белград никогаш нема да се откаже од „Јужната Вардарска Бановина“. Сакате доказ за тоа? Како ви изгледа Балканскиот мини шенген! Зарем не изгледа како нова „Србија“, преку која Белград се обидува да ги држи под своја контрола сите републики што ги контролираше за време на поранешна Југославија. Белград денес ги најде своите приврзаници и меѓу некои од властите во Тирана, поточно, откри дека има таму политичари, вклучително и сегашниот премиер на Албанија,кои имаат „српски ум“, кој упорно ја промовира идејата Белград да стане главен град на овој дел на Балканот“, заклучи Мехмети.



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.