Колумни

Го испоганивте Курц, а единствено подмолно во проектот за нов клинички се провизиите што треба да ги земете

Го испоганивте Курц, а единствено подмолно во проектот за нов клинички се провизиите што треба да ги земете

Мислев дека овој голем ден, христијански празник ќе помине во духот на помирувањето, честа и почитувањето, но за жал СДСМ и Зоран Заев се тука да нѐ потсетат дека за нив нема ништо свето, единствено важен е криминалот и провизиите, пишува лидерот на ВМРО-ДПМНЕ Христијан Мицкоски за обвинувањето од СДСМ дека на подмолен начин од Заев ги добил документите за планот на власта за нив клинички центар.

Сигурно ова соопштение го пишувал советникот на тогашниот министер за здравство или смрт (како што тогаш го нарекуваа од СДСМ), а денешен министер во владата на Зоран Заев. Единствено што е “подмолно” господа од СДСМ во овој проект се провизиите кои ги очекувате, но треба да знаете дека додека сум јас претседател на ВМРО-ДПМНЕ нема да ги поддржам вашите планови за криминал и жестоко ќе се борам против нив.

Го поганите името на австрискиот канцелар Курц, кој истовремено е претседател на нашата сестринска партија АНП (OVP), наведувајќи дека тој го поддржува овој ваш криминален потфат во обид, а за време на изборите во 2016 жестоко го навредувавте и плукавте. Еве ви ветувам дека лично ќе разговарам со него и ќе го запознаам со овој ваш криминален потфат во обид и ќе побарам од него мислење како тоа се трошат минимум 510 милиони € народни пари за 35 странички т.н. физибилити студија и ќе побарам да ми даде еден таков пример во Австрија за да можеме да споредуваме. Познавајќи го, се сомневам дека е вистина тоа што го пишувате во штабските соопштенија…

ВМРО-ДПМНЕ има план за минимум три пати поевтин и пофункционален проект кој ќе биде вистински одговор за граѓаните на Македонија во здравството.

Уште малку ви остана… крајот ви се ближи, а со тоа и одговорноста.

П.С. Штета што со штабското соопштение изгоревте две реномирани европски компании кои сум сигурен дека нема повеќе да сакаат ни телефонски повик да добијат од најкорумираната влада во Европа, владата на Зоран Заев”, пишува Мицкоски.

Мицкоски реагира на соопштението на СДСМ дека лидерот на опозицијата на подмолен начин од премиерот Заев го добил планот за изградба на нов Клинички центар во Скопје.

“Претседателот на ВМРО ДПМНЕ Христијан Мицкоски по средбата со претседателот на Владата Зоран Заев пред еден месец, пред граѓаните вети дека неговите партиски послушници во парламентот ќе го одблокираат Законот за изградбата на новиот Клинички центар. Очекувано, Мицкоски повторно излажа! Очигледно на Мицкоски целта му била на подмолен начин да дојде до документите кои му беа доставени и истите да ги злоупотребува и да манипулира со податоци. Се што вети на таа средба Мицкоски не оствари, па и понатаму неговата партија во Парламентот блокира 27 Закони кои се од голема важност за граѓаните. Како и Законот за изградба на нов Клинички центар”, се цели во партиското соопштение на СДСМ.

Соопштението на СДСМ доаѓа откако Мицкоски кажа дека ВМРО-ДПМНЕ доставило предлог за решавање на проблемот со клинички центар кој ќе чини три пати помалку.

За Мицкоски тоа што Физибилити студијата е „Непостоечки проект“ всушност е направена заедно со помош на австриската влада предводена од Канцеларот Курц. Физибилити студијата е договорена на ниво на Влади на Република Македонија и Австрија, во форма на стручна бесплатна помош за развој и унапредување на здравствениот систем во нашата држава. Таа Физибилити студија е одобрена од Националната Агенција на Австрија – АХЦ (Austrian Health Care Systems & Engineering GmbH).

Клиничкиот центар што требаше да го направи ВМРО ДПМНЕ беа обични интерни клиники и требаше граѓаните да ги чини 120 милиони евра.

Најреномирани европски комапнии германската „Вамед“ и француската „Буиг констракшн“, ќе бидат вклучени во изградбата на истиот. ВМРО ДПМНЕ да престане да ја манипулира јавноста, да измислува провизии, непостоечки проекти, да лаже и да маипулира.

Законот за изградба на новиот Клиники,предвидува независен финансиски ревизор односно со тој закон да се дозволи девете компании „Вамед“ и „Буиг констракшн“ да дадат една понуда за изградба на Клинички. Пратениците на ВМРО ДПМНЕ знаат дека имаат отворена понуда опозицијата да го води целиот проект, но немаат доблест да гласаат за законот, очигледно спасот на лидерот Мицкоски им е поважен од задравјето на граѓаните, велат од СДСМ.

Според СДСМ Мицкоски ветил дека ќе го поддржи предлогот на Заев и Филипче за новиот Клинички центар а Мицкоски изјави дека генерално дава поддршка но дека конечниот став ќе го даде откако ќе биде направена анализа на предлогот и најдобрите можни решенија.



Македонија

Заболени
189,887
Мртви
6,594
Излечени
170,956
Активни
12,337
Last updated: 27/09/2021 - 09:30 (+02:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.