КолумниТОП

ГЕРОСКИ: Не наседнувајте на манипулациите на Заев

Не врват патриотическата реторика и муртинските марифетлуци на Зоран Заев Не наседнувајте на манипулациите на Заев. Нашиот идентитет е безвреден без неговата етногенеза, а нашиот јазик реално не постои ако ја прифатиме лагата дека е дијалект на бугарскиот јазик, „осамостоен“ со политички декрет.

Не му верувам на Зоран Заев кога вели дека за македонскиот јазик и за македонскиот идентитет нема да се разговара и да се преговара. Неговата „европска турнеја“ е бесполезна, таа е само дел од преткампањата на СДСМ во пресрет на локалните избори. Уште еден комичен обид на Заев да одглуми „патриот“.

Мислам дека изјавата на Заев што немало да „даде” е евтин спин, мал вовед во она што тој, всушност, е спремен да го даде. Нашата историја и нашата етногенеза ќе ги понуди на преговарачката маса. Веќе се понудени. Таму ќе се бара компромисот што ќе го заговара владата на СДСМ.

А лагата ќе биде – ете, ги сочувавме јазикот и идентитетот, што сакате повеќе од тоа?

На неговата нова патриотическа реторика („не ги даваме јазикот и идентитот“), Заев веќе доби подготвен одговор од Софија – не ви ги ни бараме! И не ги бараат, верно е така. Од нас се очекува само една „ситница“, да се убедиме и да признаеме дека македонскиот јазик и македонската нација се создадени во 1945 година. Вештачки, обаче.

Не наседнувајте на манипулациите на Заев. Нашиот идентитет е безвреден без неговата етногенеза, а нашиот јазик реално не постои ако ја прифатиме лагата дека е дијалект на бугарскиот јазик, „осамостоен“ со политички декрет.

И не заборавајте дека и Заев и Владо Бучковски, во своите контроверзни интервјуа за бугарските медиуми, делумно се согласија со овие тези, со кои отворено се негира македонската самобитност.

Поради тоа, Заев, иако е премиер чија позиција сè уште не е формално оспорена, нема кредибилитет да разговара и да преговара за спорот со Бугарија. Дотолку повеќе што било какво компромисно решение меѓу Скопје и Софија мора да добие консензуална поддршка од водечките политички сили во Македонија.

Поинаку кажано, Заев со европските лидери разговара и преговара во лично име. Острите тонови во Брисел, каде што доби јасна и директна порака дека нема ништо од преговори со ЕУ без договор со Бугарија, покажуваат дека и челните луѓе на Унијата веќе немаат доверба во својот некогашен миленик и несуден Нобеловец.

Не знам што ќе биде оваа работа со Заев и што сè наумил. И не ме интересира. Поважно прашање е како да го надминеме длабокиот јаз во односите со нашиот источен сосед. За тоа ни е потребен нов пристап, кој подразбира нов формат на разговорите, нов преговарачки тим и нова позитивна енергија во процесот.

Заев и заевци, со својата површност, неодговорност и лекомисленост, тоа не можат да го обезбедат. Тие се дел од проблемот, но сигурно веќе не се дел од решението. Штом и самите почнаа да ломотат „не ни треба ЕУ по секоја цена“, јасно е дека нивната паланечка трговија доживеала целосен крах. Во Брисел муртинските марифетлуци очигледно не врват.

Нов „пик“ во процесот може да очекуваме дури по стабилизирањето на политичката ситуација во Бугарија и по изборите во Македонија. Во меѓувреме, да се потрудиме барем да не го продлабочуваме јазот на недовербата.



Македонија

Заболени
155,655
+10
Мртви
5,481
+3
Излечени
149,933
Активни
241
Last updated: 25/06/2021 - 00:26 (+02:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.