Македонија

Документите ги демантираат демантите на Кочо Анѓушев и бугарскиот инвеститор Соларпро

Писмен демант на Кочо Анѓушев

Демант од Соларпро2

Документите на ИРЛ обезбедени од бугарскиот централен регистар и од бугарскиот депозитар на хартии од вредност го демантираат демантот на бизнисменот и поранешен вицепремиер за економски прашања Кочо Анѓушев дека тој на никаков можен начин не е поврзан со бугарскиот инвеститор Соларпро од Софија. Соларпро е партнер во државната ТЕЦ Осломеј. Демант испрати и софиската Соларпро, а уредничкиот одговор ги адресира и нивните забелешки кои се речиси идентични со оние на господинот Анѓушев.

Линк до сторијата Кај ми е сонцето на ИРЛ којашто е оспорен овде.

Демантите кои што пристигнаа во ИРЛ сугерираат дека текстовите на ИРЛ содржат невистини во однос на поврзаноста на поранешниот висок функционер и новите бугарски партнери на држаата, конкретно лицето Јури Богомилов Катанов. Оваа, како и сите други стории објавени на ИРЛ се изработени врз база на документи добиени од државни институции во Македонија и Бугарија.

Демант од Кочо Анѓушев Демант од Соларпро
Писмен демант на Кочо Анѓушев
Демант од Соларпро2

Професор д – р Кочо Анѓушев во демантот до ИРЛ ќе напише: „Ниту една компанија во која јас или моето семејство сме дел од сопственичката структура нема никаква поврзаност со фотоволтаичнта централа Осломеј“. Тоа не е вистина.

ИРЛ во својот текст посочува дека Јури Богомилов Катанов е дел од сопственичката, односно акционерска структира на бугарскиот инвеститор, како и дека истиот е директор во фирмата во сопственост на господинот Кочо Анѓушев и членови на неговото потесно семејство. Истовремено, Катанов е и претставник на бугарскиот инвеститор и член на бордот директори и ко-управител во компанијата со идентично име (подоцна променето) на семејството Анѓушеви.

Фирмата Соларпро Холдинг АД Софија, која ќе инвестира во 50 MW фотоволтаична централа во ТЕЦ Осломеј по пат на Јавно приватно партнерство со државата (ЈПП) е акционерско друштво регистрирано во Бугарија. Мнозински сопственик е компанијата Алфа финанс холдинг преку Иво Георгиев Прокопиев. Документите кои ги обезбеди ИРЛ од Централниот регистар во Бугарија и од Централниот депозитар на хартии од вредност, откриваат кои други лица и компании се дел од акционерскиот пакет на Соларпро Холдинг Софија. Меѓу нив е господинот Јуриј Богомилов Катанов, кој освен што е малцински акционер во софиската Соларпро, тој е член на бордот на директори во именуваната компанија, како и управител во скопска фирма на господинот Кочо Анѓушев.

Кликни на мапата за целосен преглед. За да ги видите врските помеѓу физичките и правни ентитети само допрете ги жолтите икони и конкретните улоги на лицата ќе бидат видливи.

Освен господинот Кочо Анѓушев, речиси синхронизирано демант испрати и Соларпро Ходлинг Софија. Соларпро од Бугарија, исто како и Анѓушев, преку демант тврди дека ИРЛ е во заблуда и дека нема поврзаност помеѓу бугарската Соларпро и македонската Соларпро која се преименува во (Рењувбл Енерџи Суплај), официјалните документи не ги поддржуваат овие тврдења. (погледни графикон горе)

Во клучниот пасус од речиси двете страни експликација тие тврдат дека поранешниот вицепремиер професор д – р Кочо Анѓушев нема никаква поврзаност со бугарската групација која инвестира во фотоволтаици и дека единствено Соларпро Софија е фирма која го реализира проектот.

„Цитираното во објавениот материјал друштвото РЕС (со претходно наиемнование Соларпро Холдинг ДООЕЛ) не е и никогаш не било дел од групата на Солрпро Холдинг АД Софија, и нема никаква поврзаност со проектот Осломеј“.

ИРЛ за оваа, како и за сите други стории прави детална проверка на фактите врз база на пишани докази. За потребите на овој одговор, репортерот и претставниците на уреднички колегигиум извршена повторна проверка со повторно апдејтирање на клучните докази со што ги потврдивме нашите првични наоди. На барање на Анѓушев, одговорот е објавен на насловната страница на истото место каде што беше објавена и сторијата на ИРЛ.

Одговорот го уредија: Сашка Цветковска (уредник), Горан Теменугов (уредник), Бојан Стојановски (водечки репортер)

Поврзани стории

Како корупцијата и аматерите ја делегираа, а партиите ја спроведоа енергетската катастрофа

Како европската престолнина на сонцето стана зависна за леб и струја

Економските реформатори во потера по сонцето

Текстуална верзија на двата деманта (ИРЛ искусува технички проблеми со мобилната верзија на којашто не можат да се отворат фото верзиите до демантите погоре за разлика од десктоп верзиите. Истите ги прикажуваме и во продолжение на овој одговор)

1. Демант од професор доктор Кочо Анѓушев

Писмен демант на текст со наслов „Кај ми е сонцето“ објавен на 18.05.2022

Без да навлегувам во мотивите континуирано да сум тема во вашите т.н. истражувачки стории, но земајќи предвид дека спротивно на професионалните новинарски стандарди, од ваша страна ми е ускратено правото пред да го објавите текстот да се произнесам со свој став за тешките обвинувања кон мене, моето семејство и компаниите со кои раководам, го упатувам следниот демант:

Ниту една компанија во која јас или моето семејство сме дел од сопственичката структура, нема никаква поврзаност со фотоволтаичната централа „Осломеј“. Оттаму во вашиот текст погрешно се пренесени информации кој свесно и со умисла ја ставаат јавноста во заблуда, се манипулира со неточни и крајно тенденциозни тврдења со единствена цел да го нарушат мојот, угледот на моето семејство и реномето на компаниите со кои раководам.  Согласно овие неспорни факти, како Заменик претседател на Влада во периодот 2017-2019 година, не сум можел да преземам било какви дејствија кои можат да бидат протолкувани како евентуален конфликт на интереси. Бев дел од политичка Влада како предлог на Стопанската Комора и за време на мојот мандат како Заменик претседател на Влада се’ што правев беше исклучиво насочено кон подобрување на животниот стандард на граѓаните и развој на домашната економија. На „Стратегијата за развој на енергетиката во Република Северна Македонија до 2040“ сум особено горд и сметам дека е одличен документ кој треба да служи како патоказ и на оваа и на следните Влади. Целото мое професионално и општествено делување е насочено кон домашниот економски развој, постојано инвестираме во воведување на најсовремени и еколошки технологии, а јас лично го вложувам сето мое знаење и капацитет во напорите за вкупна транформација на енергетскиот сектор во систем кој ќе биде стабилен и одржлив. Компаниите со кои раководам вработуваат над 1000 луѓе, го полнат државниот Буџет и се мотор на економскиот развој. Нашите производи се извезуваат во 42 земји ширум светот, учествуваме на пазари како САД, Велика Британија, Франција, Германија, Данска, Белгија, Португалија, Австралија и многу други. За овие успеси никогаш не сме барале, ниту ќе бараме привилегии или специјален третман од никого, но најмалку што очекуваме фер, коректен пристап и да не бидеме злоупотребувани во ничија медиумска, бизнис или политичка агенда.

Доколку овој писмен демант не биде објавен на ИРЛ на истото место, во истиот формат и со иста истакнатост како и текстот кој го демантирам, а согласно позитивните законски прописи, го задржувам правото да ги преземам сите неопходни правни дејствија за заштита на мојот, угледот на моето семејство и реномето на компаниите со кои раководам.

проф. д-р. Кочо Анѓушев

2. Демант од компанијата Соларпро од застапникот

Најостро демантираме и тврдиме дека е лага написот на ИРЛ дека било која друга фирма
или лице се градители на фотонапонската централа од 50MW во Осломеј освен Соларпро
Холдинг АД Софија. Партнер на АД ЕСМ во проектот за Јавно-приватно партнерство е
фирмата-ќерка која ја формиравме во Скопје, а тоа е Друштво за производство на
електрична енергија ОСМ Солар ДООЕЛ Скопје. Во наведената фирма не се случила
никаква промена ниту на сопственичката структура ниту во управувањето, односно
никој не ја купил или влегол со удел во неа по потпишување на договорот со АД ЕСМ за
фотонапонската централа во Осломеј.

Бугарската компанија Соларпро Холдинг АД Софија е реномирана компанија која влезе
во партнерство со ЕСМ давајќи најдобра понуда на меѓународен тендер по највисоки
строги стандарди. Како странски инвеститор во Р. Северна Македонија, написот на ИРЛ
го доживуваме како удар врз бизнис заедницата од странство и особено од блиска земја
од соседството, посебно што никој не се обрати до нас со прашање и не ни беше дадена
можност да пружиме точна информација.

Со оглед на тоа што авторот, уредникот и редакцијата неправилно ги прочитале и
протолкувале јавните податоци до кои дошле, го даваме следното објаснување со цел да
им биде појасно и ним и на читателите.

Тендерот за изградба на соларната централа на територијата на РЕК Осломеј во
Република Северна Македонија е добиен од бугарското друштво Соларпро Холдинг АД
Софија. За изградбата на централата и согласно тендерската документација е
регистрирано ново друштво во Република Северна Македонија – ОСМ Солар ДООЕЛ.
Како единствен сопственик на друштвото се јавува Соларпро Холдинг АД Софија.
Дејностите на Соларпро Холдинг АД Софија во Република Северна Македонија се
извршуваат од регистрираната придружница Соларпро Холдинг АД – придружница во
РМ и поврзаното друштво (ќерка) Соларпро Пауер ДООЕЛ. Соларпро Холдинг АД е во
сопственост на инвестиционата група Реналфа Софија и г-дин Анѓушев нема никакво
директно или индиректно учество во неа.

Цитираното во објавениот материјал друштвото РЕС (со предходно наименование
Соларпро Холдинг ДООЕЛ) не е и никогаш не било дел од групата на Соларпро Холдинг
АД, Софија, и нема никаква поврзаност со проектот во Осломеј. Како дополнување,
можеме да посочиме дека, цитираната компанија е лиценциран трговец со електрична
енергија и не извршува дејност поврзана со проектирање, изградба и оперирање на
фотонапонски електроцентрали и ниту има сопствени централи.
Одново би сакале да потенцираме, дека г-дин Кочо Анѓушев нема никакво директно или
индиректно учество во Соларпро Холдинг АД Софија, ниту пак неговите поврзани
друштва. Од тука и се заклучува дека не постој никаква поврзаност со проектот во
Осломеј.

Со оглед на горенаведеното, јасно е дека со текстот кој некритички и без проверка го
пренесовте, Вие гопрекршивте основното новинарско правило да ја побарате и втората
страна пред објавувањето на написот и нанесовте штета на угледот и работењето на
Соларпро Холдинг АД Софија и на целата групација. Затоа бараме демантирање
нанеточните тврдења во текстот и извинување од страна на РЕПУБЛИКА / ВЕЧЕР /
ВЕСНИК.МК / ОФФ.НЕТ.

Бараме овој демант да биде објавен на Вашиот медиум наистото место, во истиот формат
и во истото временскозадржување на насловната страна како и текстот на кој сеоднесува
демантот, согласно чл.16 од Уставот на Р. Северна Македонија, Законот за медиуми,
Законот за граѓанскаодговорност и клевета и Кодексот за етика на новинарите.



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.