Македонија

Да не се заборави како лажеше Заев додека луѓе умираат по болничките ходници

Да не се заборави како лажеше Заев додека луѓе умираат по болничките ходници

Зоран Заев наместо да се фати за работа, оди по соседството и се моли за вакцини. Вакцини не доби од Грција, не доби ниту од Бугарија, а вакцината која како милостиња му ја даде Вучиќ уште не е стигната ниту во Србија, а Заев побрза да се пофали дека измолил вакцини кои друг ги договорил, нарачал и платил, обвинуваат од ВМРО ДПМНЕ.

Да го послушаше Заев ВМРО-ДПМНЕ, требаше да стапи во контакт со светските производители уште при крајот на претходната година, кога тоа го правеа сите земји од регионот и светот. Но тогаш Заев се надеваше на донации, и наместо да се фати за работа тргна да моли.

Вакцини сега пристигнуваат секаде, само нема во Македонија.
Регионот забрзано се вакцинира, а Заев ги лиши нашите граѓани од правото да се вакцинираат.
Бараме веднаш да запре со циркусот и да се фати за работа. Доколку не може да изпреговара за вакцини нека побара помош, чесно е да каже дека е неспособен.
Народот умира по болнички ходници, додека се чека вакцина. Ситуацијата бара сериозност, нагласуваат од ВМРО ДПМНЕ.

Да не се заборави, потсетува и лидерот на ВМРО ДПМНЕ, Христијан Мицкоски.

Инаку нови 400 случаи со КОВИД-19 од 2.327 тестирања беа евидентирани во вчерашниот билтен на Министерството за здравство по изминати 24 часа. Починаа 11 лица во болнички услови, а оздравеле 206 пациенти.

Вкупниот број на КОВИД дијагностицирани во земјава од почетокот на епидемијата изнесува 89.392, бројот на оздравени пациенти е 73.983, на починати е 2.726, а бројот на активни случаи изнесува 12.683. Досега во земјата се направени вкупно 434.568 тестирања на КОВИД -19.

Од новите позитивни на КОВИД-19, во Скопје се 198, во Куманово 28, во Кавадарци 19, во Тетово 16, во Прилеп и Велес по 14, во Охрид 12, десет во Дебар…

Во Скопје активни случаи има 7.352, во Тетово 481, во Куманово 479, во Кавадарци 412, Струмица 389, во Охрид 367, во Велес 346, во Гостивар 336… Најмалку активни случаи или само осум има во Дојран.

Во ковид центрите во болниците во изминатите 24 часа е пријавено дека се лекуваат 359 пациенти позитивни и суспектни на коронвирусот. Вкупниот број на пациенти позитивни и суспектни на корона вирусот кои се лекуваат и на инфективните оддели во главниот град и во болниците низ земјава е 620, а има 621 празен болнички кревет во ковид центрите.

Во изминатите 24 часа во ковид центрите во Скопје се хоспитализирани 30 нови пациенти поради компликации од коронавирусот. Вкупно 283 лица сомнителни и потврдени за КОВИД-19 се лекуваат на инфективните оддели во главниот град.

Според надлежните, состојбата со Ковид-19 е стабилна, но сепак препорачуваат и понатаму да се почитуваат мерките и препораките. Затворен е ковид центарот на Клиниката за очни болести, а ќе се затвори и ковид центарот во Клиниката за уво, нос и грло.



Македонија

Заболени
101,214
+582
Мртви
3,111
+13
Излечени
90,685
Активни
7,418
Last updated: 25/02/2021 - 20:26 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.