Црна Хроника

Четири куќи ноќеска изгореа во пожар во Прилеп, по удар од гром

Пожарот се случил на улица Козара околу полноќ. Громот удрил во едната куќа, по што избувнал огнот и се префрлил на околните три, кои се речиси слепени една до друга.

ТППЕ Прилеп веднаш интервенирала со 4 возила и 17 пожарникари и го гаснела огнот до три часот по полноќ, кога бил изгаснат пожарот. Нема повредени лица.

Сопствениците на куќите велат огнот брзо се ширел, ама пожарникарите долго чекале да биде исклучена струјата за да интервенираат. Потенцираат дека останале без ништо и бараат помош.

Во куќите живееле седум лица, од кои едно инвалидно. Градоначалникот на Прилеп Борче Јовчески изврши првичен увид на местото на пожарот, при што службите најавија изјава во текот на денот.

ИЗВОР НАРОДЕН ГЛАС



Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.