Македонија

Бунт на администрацијата во болницата „8-ми Септември“

Нема достапен опис

Бунт на администрацијата во болницата „8-ми Септември“

Вработените во администрацијата во градската болница „8-ми Септември“ се незадоволни што иако се дел од најголемиот ковид-центар, сепак не добиле награда што се дел од ковид-борбата.

Нивното незадоволство прераснало во штрајк, кој се одржал пред канцеларијата на директорот д-р Христијан Костов. Дел од медиумите пишуваат дека меѓу штрајкувачите бил и болничкиот персонал, кој бил незадоволен од непродолжувањето на договорите за работа, како и дека му забележувалe што не обезбедува никакви услови за работа, а вработените се принудени од дома да носат дезифициенти, завои, ракавици и други средства за лична заштита.

Во изјава за „Република“, директорот д-р Костов вели дека не станува збор за штрајк, туку дека се состанал со незадоволните административци, кои се бунеле што и за нив немало предвидена награда. Тие велат дека со самото работење во болницата, која е главен ковид-центар, и тие имале контакт со болеста и заслужуваат еднократна помош како сите здравствени работници и соработници вклучени во работата со ковид-19 пациенти.

Поднесено е барање до Министерството за здравство, од каде се чека дали ќе се одобри награда и за овие стотина вработени во администрацијата, како и колкава би била таа награда, вели д-р Костов, кој ги отфрли останатите пишувања во медиумите.



Македонија

Заболени
101,214
Мртви
3,111
Излечени
90,685
Активни
7,418
Last updated: 26/02/2021 - 11:26 (+01:00)

Поврзани вести

Back to top button

Детектиран Блокатор

Ве молиме да го исклучите вашиот блокатор за реклами на вашиот пребарувач за овој сајт, со истото би дале поддршка за повеке вести.